Pas padive për kancer Johnson & Johnson (J&J) ndalojnë prodhimin dhe shitjen e pluhurit të bebeve vitin e ardhshëm.
Mijëra gra hodhën akuza mbi kompaninë, pasi dyshohej se pluhuri i bebeve ishte me bazë talku.
Talku është një mineral natyral, i nxjerrë nga toka, i përbërë nga magnez, silikon, oksigjen dhe hidrogjen. Kimikisht, talku është një silikat magnezi me ujë me një formulë kimike të Mg3Si4O10(OH)2.
Ky njoftim vjen më shumë se dy vjet pasi gjigandi i kujdesit shëndetësor përfundoi shitjet e produktit në SHBA. J&J përballet me dhjetëra mijëra padi nga gratë që pretendojnë se pluhuri i talkut përmbante asbest dhe i shkaktoi ato të zhvillonin kancer në vezore. Por kompania përsëriti se dekada kërkime të pavarura tregojnë se produkti është i sigurt për t’u përdorur.
“Si pjesë e një vlerësimi përfundimtar, ne kemi marrë vendimin për të kaluar në një pluhur bebesh me bazë niseshte misri,” thuhet në një deklaratë.
Megjithatë ngulin këmbë se talku s’është i dëmshëm.
“Ne qëndrojmë fort pas dekadave të analizave të pavarura shkencore nga ekspertë mjekësorë në mbarë botën që konfirmojnë se pluhuri i Johnson me bazë talku është i sigurt, nuk përmban asbest dhe nuk shkakton kancer.”
Talku nxirret nga toka dhe gjendet afër asbestit, i cili është një material i njohur për shkaktimin e kancerit. Një hetim i vitit 2018 nga agjencia e lajmeve Reuters pretendoi se J&J e dinte për dekada të tëra se azbesti ishte i pranishëm në produktet e saj të talkut.
Reuters raporton se të dhënat e brendshme të kompanisë, dëshmitë e provës dhe provat e tjera treguan se nga të paktën 1971 deri në fillim të viteve 2000, talku i papërpunuar dhe pluhurat e bebeve ndonjëherë rezultuan pozitivë për sasi të vogla asbesti. Në përgjigje të provave të kontaminimit me asbest të paraqitura në sallat e gjyqit, raporteve të medias dhe ligjvënësve amerikanë, firma i ka mohuar vazhdimisht akuzat.
Johnson’s Baby Powder është shitur për gati 130 vjet dhe përdoret për parandalimin e skuqjes së pelenave dhe për përdorime kozmetike.
