Vetëm një ditë pas shkarkimit nga detyra të Kryeprokurores së Tiranës, Elisabeta Imeraj, KLP pritet të caktojë këtë të enjte edhe drejtuesin e përkohshëm për të zëvendësuar postin e saj. Mbledhja do të zhvillohet ditën e sotme në orën 12:00.
Imeraj, e cila njihet si prokurorja e dosjeve të nxehta, ka dalë përfundimisht nga sistemi i drejtësisë pas seancave maratonë të zhvilluara njëra pas tjetrës.
Në një dalje për mediat, Imeraj u shpreh se gjatë seancës së vettingut nuk ju dha asnjë përgjigje pyetjes se kush e dëshironte shkarkimin e saj.
Ajo theksoi më tej se nuk disponon asnjë pasuri në Shqipëri apo jashtë territorit, ndërsa theksoi se punën e saj e ka ushtruar në mënyrën më të mirë.
“Ajo që pretendohet nga reforma në drejtësi është që zëri i secilit palë të jetë i dëgjushëm, normalisht nuk e lidh këtë me situatën perdonale, në KPA jam drejtuar me pyetje konkrete “kush e dëshiron shkarkimin e Elisabeta Imeraj”, vetëm kjo pyetje nuk u dha, duke qenë se kjo çështje pati interes të shtuar të medias, jeni të ftuar në cilësinë e gazetarëve dhe të medias që të merrni çdo fletë të dosjes hetimore që në KPK që vërtetohet që Elisabeta Imeraj ka zero pasuri në Shqipëri dhe jashtë saj, çdo akt të dosjes që lidhet me element që kanë të bëjnë me figurën, puna ime në vite ka folur më së miri se çfarë pune dhe çfarë funksioni është kryer puna e Prokurorit, me çështjet e përfaqësues, 160 të pandehur janë dënuar me vendim të prerë dhe vetëm 3 prej tyre kanë marrë pafajsi, nuk kanë respektuar propocianali.
Ajo çfarë reforma në drejtësi synon është një sistem i pavarur që tejçon besimin te publiku që mendon se të japin vendime në bazë të provave, pavarësisht presioneve politike, ekonomike, kriminale apo ndërkombëtare, jam munduar që të prezantoj jo për vete, por për të gjithë ju që në çdo moment nga ana ime është vërë e mundur dhe janë vënë prova që ky proces ka qenë i afektuar që në fillimet e tij, edhe për shkak të lidhur ngushtësisht të kartelave të justifikuara, nëse reforma në drejtësi është që të sjellë si qëllim që të bazohemi në dokumentacion me denoncime anonime, atëherë është e vërtetë Elisabeta duhet shkarkuar”, tha Imeraj./Priza.al
