Familja mbretërore i ka dhënë lamtumirën e fundit Princit Philip, i cili ndërroi jetë në moshën 99-vjeçare. Gjatë ceremonisë mbretëresha u shfaq mjaft e prekur, duke qenë se mbi 70 vite të jetës së saj i kaloi e martuar me Princin Philip. Së fundmi është mësuar se mbretëresha do të tërhiqet nga detyrat mbretërore pas vdekjes së bashkëshortit dhe do të lejojë familjen e saj të marrë më shumë nga detyrat e saj,
“Madhështia e saj u kthye në punë disa ditë pas vdekjes së bashkëshortit të saj, por ka të ngjarë të mos kthehet kurrë në orarin e ngarkuar të takimeve të vrullshme”, pretendon ish-korrespondenti mbretëror i BBC Peter Hunt teksa ka folur për “New York Times”.
Sipas tij, mbretëresha me shumë mundësi do të vazhdojë të qëndrojë në Kalanë Windsor, ku ka qëndruar pjesën më të madhe të vitit të kaluar gjatë karantinës.
