Pas videos së publikuar në Priza.al, ku shfaqen tre motomjete “Jet Ski” duke bërë gara shumë afër bregut të detit, duke rrezikuar që të përsëritej aksidenti fatal i ditës së sotme në Potam, ka reaguar Policia e Sarandës.
Blutë e Sarandës kanë bllokuar edhe mjetet me të cilët pasditen e sotme, u shfaqen disa të rinj duke bërë gara. Më konkretisht u bë i mundur bllokimi i dy jetskive në pronësi të shtetasit R.C., dhe një jetski në pronësi të shtetasit R.H.. gjithashtu në fazë verifikimi janë edhe dhjetëra mjete të tjera lundruese, ku janë duke u kryer kontrolle mbi dokumentacionin e tyre.
E përgëzojmë Policinë e Sarandës që pasi media shfaq videon, angazhohen dhe kryejnë detyrën e tyre.
https://www.priza.al/2022/08/02/video-tragjedia-ndodh-ne-dreke-ne-darke-serish-gara-ne-det/
