Pentagoni deklaron se rrjedhja e dokumenteve të klasifikuara të Departamentit të Mbrojtjes së SHBA-së është një rrezik shumë serio” për sigurinë kombëtare. Dyshohet se dokumentet përfshijnë informacione të ndjeshme në lidhje me luftën në Ukrainë, si dhe për Kinën dhe aleatët e SHBA-së.
Duke folur me gazetarët të hënën, një zyrtar i lartë i Pentagonit tha se dokumentet ishin një rrezik shumë serioz për sigurinë kombëtare dhe kanë potencial për të përhapur dezinformata, shkruajnë mediat e huaja.
“Ne jemi ende duke hetuar se si ndodhi kjo, si dhe shtrirja e çështjes,” tha Chris Meagher, ndihmësi i sekretarit të mbrojtjes për çështjet publike.
Zyrtarët thonë se dosjet janë në një format të ngjashëm me dokumentet e lëshuara për drejtuesit e lartë. Në lidhje me këtë çështje është hapur një hetim për të përcaktuar kështu burimin e rrjedhjes. Fillimisht dokumentet u shfaqën në platformat Twitter, 4chan dhe Telegram.
