Përdoruesit e Twitterit kanë votuar pro largimit të Elon Muskut nga drejtimi i këtij rrjeti social.
Kjo u bë e ditur të hënën nga Musk, në sondazhin online që e ka nisur ai, në profilin e tij zyrtar.
Should I step down as head of Twitter? I will abide by the results of this poll.
— Elon Musk (@elonmusk) December 18, 2022
Nga 17.502.391 përdorues sa kanë marrë pjesë në votim, 57.5 për qind e tyre kanë votuar pro largimit, ndërsa 42.5 për qind, mendojnë se ai duhet të vazhdojë të jetë shef në Twitter.
Shefi i Teslas dhe i SpaceX, është kritikuar qëkur mori në drejtim Twitterin. Ai e bleu rrjetin social amerikan për 44 miliardë dollarë.
Për shkak të zërave kritikë, Musk pati deklaruar se vetëm përdoruesit e Twitterit mund të vendosin për apo kundër largimit të tij nga udhëheqja e rrjetit social.
