Ka përfunduar pa asnjë problem turi çiklistik i cili u zhvillua nga data 31 maj 2022 deri në datën 4 qershor 2022, në Tiranë, Elbasan, Korçë, Gjirokastër dhe Fier.
Sakaq, në përfundim të turit çiklistët kanë ndaluar në Fier dhe kanë falënderuar punonjësit e Policisë së Fierit për angazhimin e tyre në mbarëvajtjen e aktivitetit.
Njoftimi i Plotë:
Fier
Përfundon pa asnjë problem turi çiklistik që zhvillua në disa qytete.
Mesditën e sotme, përfundoi në qytetin e Fierit, aktiviteti sportiv “Turi i 79-të Çiklistik i Shqipërisë”, i cili u zhvillua nga data 31 maj 2022 deri në datën 4 qershor 2022, në Tiranë, Elbasan, Korçë, Gjirokastër dhe Fier.
Drejtoria e Policisë Rrugore, në bashkëpunim me strukturat e tjera të Policisë, “Shqiponjat” dhe Patrullat e Përgjithshme, mori masa për garantimin e rrugëkalimeve të sigurta për çiklistët.
Në përfundim të turit, çiklistët kanë ndaluar në Fier dhe kanë falënderuar punonjësit e Policisë së Fierit dhe nëpërmjet tyre të gjitha strukturat e Policisë së qarqeve të tjera që u angazhuan në mbarëvajtjen e këtij turi, i cili u përmbull pa asnjë problem, falë masave të marra nga ana e Policisë.
