Qesharak, të lodhur, të përgjumur, të pakujdesshëm, të paaftë, të pasjellshëm, deri… të “menderosur”! Kjo është pamja e liderëve global që janë mbledhur në Glasgow të Skocisë, për të diskutuar gjoja për fatin e planetit Tokë.
Pikërisht kur bota po pret me ankth se çfarë vendimesh do të merren në konferencën e OKB-së për Klimën që po mbahet në Skoci, nga liderët globalë të mbledhur aty, situata nga tepër serioze kthehet në komike.
Liderët duket se vetën për efektet klimatike nuk e kanë mendjen, madje e kanë aq në “terezi” punën, sa pikërisht kur po diskutohet fati i Tokës, ata ja marrin me gjumë dhe çfarë gjumi… mu në mes të konferencës.
I pari ishte Presidenti amerikan Joe Biden, i cili ditën e djeshme dremiti në karrige për të paktën 22 sekonda, gjatë konferencës së klimës, ndërsa sot një tjetër lider botëror e ka zënë gjumi gjatë konferencës “COP26” në Glasgow.
I ulur pranë Sir David Attenborough dhe Sekretarit të Përgjithshëm të OKB-së, Antonio Guterres, kryeministri britanik Boris Johnson, shihet që gjatë gjithë kohës qëndron me sy të mbyllur dhe pa maskë, duke dremitur.
Fotot e 57-vjeçarit kanë bërë sot xhiron e botës, në një kohë që përveç hilaritetit dhe sarkazmës së bërë në mediat e botës, është ngritur një pyetje: “Mos vallë e gjithë kjo është një kotësi e radhës dhe liderët botërore nuk duan fare t’ja dinë?”.
Konferenca “COP26” në Glasgow u përshkrua si shpresa e fundit për veprime serioze kundër ndryshimeve klimatike, në një kohë që shkencëtarët në mbarë botën kanë thënë se jemi vetëm “1 minutë larg mesnatës”.
/Burimi: BBC/Përshtati: Priza.al/
