Lufta në Ukrainë është në ditën e saj të 33-të. Presidenti amerikan Joe Biden u akuzua për përkeqësim të marrëdhënieve të Uashington DC me Moskën duke thënë se Vladimir Putin “nuk mund të qëndrojë në pushtet”.
Këtu janë zhvillimet më të fundit:
- Kremlini thotë se komentet e zotit Biden janë “alarmante”;
- Putini “paranojak” mund të ketë më shumë gjasa të urdhërojë akte armiqësore pas vërejtjes së presidentit amerikan, thonë ekspertët;
- Sekretari i Arsimit në Mbretërinë e Bashkuar thotë se është “në dorën e popullit rus” se kush e qeveris vendin e tyre pas komenteve të Presidentit Biden;
- Nesër në Turqi do të rifillojnë bisedimet e paqes Ukrainë-Rusi, raporton agjencia e lajmeve Interfax;
- Ukraina nuk do të hapë asnjë korridor humanitar sot pasi inteligjenca raportoi për “provokime” të mundshme ruse;
- Zyrtarët ukrainas kanë thënë se forcat ruse po tërhiqen nga disa zona pasi Moska sugjeroi se po zvogëlonte synimet e saj për pushtimin;
- Rusisë i është dashur të heqë dorë nga ndryshimi i regjimit në Ukrainë, ka thënë ish-shefi i shtabit të përgjithshëm të Britanisë së Madhe, Lordi Richard Dannatt;
- Ministria e Jashtme e Rusisë thotë se marrëdhëniet me Kinën janë në “nivelin e tyre më të fortë ndonjëherë” – me Pekinin që ende nuk e ka dënuar pushtimin;
- Më shumë se 3.8 milionë njerëz janë larguar nga Ukraina dhe 6.5 milionë të tjerë janë të zhvendosur brenda vendit në Ukrainë, thotë OKB;
- Kryetari i bashkisë së Mariupolit ka bërë thirrje për një evakuim të plotë pasi rreth 160,000 njerëz mbeten në qytetin e rrethuar pa ngrohje;
- Këshilltari presidencial ukrainas thotë se vendi do të “paditë këdo që financonte vrasjen e popullit tonë” duke vazhduar të bëjë biznes me Rusinë;
- Ukraina thotë se ka rrëzuar një raketë ruse në Kiev mbrëmë vonë;
- Veprimet e Rusisë në Çernobil paraqesin një “kërcënim shumë serioz”, thotë zëvendëskryeministri i Ukrainës;
- Njerëzit që shfaqin simbolin “Z” në mbështetje të pushtimit të Rusisë mund të ndiqen penalisht në Gjermani;
- Heineken do të ndalojë shitjen e birrës në Rusi pasi ajo “nuk është më e qëndrueshme apo e zbatueshme”.
- Wall Street Journal raportoi lajmin se Abramovich dhe disa negociator të tjerë ukrinas janë helmuar pas takimit të paqes në fillim të këtij muaji.
