Dy persona kanë humbur jetën tragjikisht ditën e djeshme nga përmbytjet që përfshinë Agia Pelagia-n në Kretë. Eugenia Kyrilova, 49 vjeç, rezultonte e zhdukur deri mëngjesin e së dielës por u gjet sot e pajetë nga bashkëshorti.
49-vjeçarja po udhëtonte në të njëjtën makinë me 50-vjeçarin Kostas Vergakis, i cili po ashtu humbi jetën pasi automjeti u përmbys në një kanal. Sipas asaj që raportojnë mediat në vend, Eugenia po shkonte me 50-vjeçarin në Agia Pelagia për të pastruar shtëpinë e tij kur automjetin e mori rrjedha.
Ajo tentoi të hapte derën e të dilte për të shpëtuar por e mori rrjedha dhe trupi i saj i pajetë u gjet ditwn e sotme. Bashkëshorti i saj po shpresonte që ta gjente të gjallë por më kot.
Sipas informacioneve të cretapost, Michalis Sifakis sapo ka parë gruan e tij nga larg, është hedhur në det për ta shpëtuar.
Me të dalë në vendngjarje ai informoi zhytësit, megjithatë fillimisht kishte konfuzion nëse ishte vërtet trup njeriu.
“Ajo ishte fshehur nga mbeturinat dhe nuk mund të shihej. Më në fund pashë që është trupi i gruas sime dhe i thirra njerëzit. Në fillim menduan se ishte një jastëk, por kishte shumë mbeturina. Unë insistova… Kur mbërritën, më përzunë nga zona dhe e nxorrën nga Pantanassa”, tha zoti Sifakis, pa mundur t’i mbante lotët.
Gruaja ishte nënë e dy fëmijëve, ku njëri prej tyre ishte mëngjesin e së dielës duke parë kërkimet dramatike, identifikimin dhe shërimin e nënës së tij.
