Katy Perry dhe Kesha po përballen me reagime të shumta ndaj teksteve të tyre që i referohen vrasësit serial Jeffrey Dahmer pas publikimit të serialit për jetën e tij, “Monster: The Jeffrey Dahmer Story.” Përdoruesit e rrjetit social ‘Twitter’ kritikuan këngën e Perry-t të vitit 2013, ‘Dark Horse’ dhe këngën e Kesha-s, të vitit 2010, ‘Cannibal’ pasi përmendën në tekst vrasësin famëkeq Jeffrey Dahmer.
Kesha këndon në këngën e saj ‘I’ll pull a Jeffrey Dahmer’ ndërsa Juicy J thotë: “Ajo të ha zemrën si Jeffrey Dahmer (She eats your heart out like Jeffrey Dahmer).”
“Më shqetëson ende kur dëgjoj vargun në këngën Dark Horse “She eats your heart out like Jeffrey Dahmer” dhe gjithmonë e bëj vajzën time të ndërrojë kanal. Është shumë mungesë respekti për familjet e viktimave. Na vjen keq për humbjet e tyre”, shkroi një përdorues i rrjetit social ‘Twitter’.
Një tjetër përdorues i rrjetit social i bëri thirrje Katy-t që të kërkonte falje për tekstin ‘e tmerrshëm’.
“Pse askush nuk po kritikon Katy Perry-n që ka lejuar që një tekst kaq i keq dhe i tmerrshëm të përfshihet në një nga këngët e saj hit? Jeffrey ishte një vrasës serial famëkeq dhe Katy zgjodhi të romantizonte veprimet e tij kriminale dhe çnjerëzore. Ajo duhet të kërkojë falje.”
Edhe Juicy J nuk kaloi pa u kritikuar në lidhje me tekstin. “Të dish thellësitë e asaj që bëri Jeffrey Dahmer… e gabuar për atë që tha në këngën e Katy Perry”, postoi një tjetër.
Një përdorues i Twitter tha se do të fshinte këngën e Kesha-s, nga playlista e tij: “Sapo mësova se kush është Jeffrey Dahmer dhe e dija se emri i tij ishte i njohur sepse Kesha e përmendi emrin e tij në tekstin e këngës “Cannibal”, më duhet ta fshij atë këngë tani. Pse dreqin u japim fansa këtyre të sëmurëve? Ndërsa një tjetër shkruan: “Përmendja e rastësishme e Jeffrey Dahmer në këngën e Kesha ‘Canibal’ nuk është vënë re kurrë deri më tani dhe çfarë dreqin.”
Por kishte edhe nga ata ndjekës që dolën kundër kritikave. “Vërtet e çuditshme që jeni kaq i ri, arsyeja e vetme që ju e dini se kush është Jeffrey Dahmer, është përmes këtij seriali të ‘Netflix’ dhe tani ju djema dëshironi të jeni të rëndësishëm duke thënë se sa fyese dolën këngët të publikuara 10 vite më parë. Më falni, është tepër vonë për këtë”, shkroi një tjetër.
Dahmer, i cili u bë i njohur si kanibali i Milwaukee, tronditi qytetin e Wisconsin nga viti 1978 deri në 1991, i cili vrau 17 djem, adoleshentë dhe burra gjatë harkut kohor prej 13 vitesh.
Vrasësi serial kanibal kishte copëtuar dhe ruajtur shumë nga pjesët e trupit të viktimave të tij. Krimet e tij të tmerrshme tani janë duke u ritreguar në një serial të ri në ‘Netflix’ të quajtur “Monster: The Jeffrey Dahmer Story”, i cili u shfaq premierë në 21 shtator me aktorët Evan Peters, Niecy Nash, Molly Ringwald dhe Richard Jenkins.
