Presidenti Ilir Meta ka reaguar pas vizitës në Kosovë.
Përmes një postimi në rrjete sociale, Meta shkruan se është jetike që Shqipëria dhe Kosova të mbrojnë njëra-tjetrën.
Sakaq shton se sot ishte dyfish ditë e lumtur për të, pasi shënohet 12-vjetori nga dita që Gjykata Ndërkombëtare e Drejtësisë njohu Pavarësinë e Kosovës.
Postimi i plotë:
ËSHTË JETIKE QË SHQIPËRIA DHE KOSOVA T’I MBROJNË SHPINËN NJËRA-TJETRËS! ???❤️??
Shumë i lumtur të zhvilloj sot vizitën e fundit zyrtare në Prishtinë, si President i Shqipërisë, në një ditë kaq të mrekullueshme për kombin tonë, 12-vjetorin e konfirmimit nga Gjykata Ndërkombëtare e Drejtësisë e pavarësisë së Kosovës.
Një nga ditët më të bukura për mua të cilën pata fatin ta përjetoja si Ministër i Jashtëm i Shqipërisë.
Shqipëria dhe Qeveria e saj në atë periudhë bënë çdo gjë për këtë triumf të drejtësisë ndërkombëtare në bashkëpunim të ngushtë me partnerët ndërkombëtarë.
