Ish-kryeministri Sali Berisha nuk e ka lejuar Kryetarin e Partisë Demokratike Enekelejd Alibeaj që të flas në kuvend duke e shtyrë me duar.
Lindita Nikolla i ka dhënë fjalën Enkelejd Alibeajt, por në të njëjtën kohë në foltore është drejtuar dhe Sali Berisha. Ai i ka kërkuar Alibeajt t’i lironte foltoren, por ky i fundit ka bërë rezistencë duke kërkuar të marrë fjalën para tij.
Por kjo nuk është hera e parë kur Berisha përzë kolegët e tij nga Folterja në 30 shtator 2011- Sali Berisha përzë Erion Braçn. E njëjta situatë ka ndodhur edhe me deputetin socialist Erion Braçe, në atë kohë në opozitë.
Kujtojmë se interpelanca mes deputetit socialist Erion Braçe dhe kryeministrit Berisha u shoqërua me një incident. Kryeperlamentarja Jozefina Topalli ia ka ndërprerë fjalën deputetit Braçe, pasi sipas saj, i kishte përfunduar afati kohor.
Por, Braçe ka vazhduar që të flasë në foltore pa mikrofon. Në këtë moment, kryeministri në atë kohë i Shqipërisë, Sali Berisha është ngritur nga tavolina ku qëndronte kabineti qeveritar dhe është drejtuar për nga foltorja në të cilën po fliste deputeti socialist.
Berisha e ka shtyrë me bërryl Braçen, i cili është befasuar dhe është detyruar që të largohet nga foltorja.
Pas këtij gjesti të Berishës, deputetët e PD-së kanë shpërthyer në brohoritje dhe ovacione./Priza.al
