Dy prodhuesit e vaksinave, Pfizer dhe Moderna kanë nisur testimet për të aplikuar vaksinën anti-Covid tek fëmijët e moshës 5 deri në 11 vjeç. Testimet nisën pas kërkesës së Administratës Amerikane të Ushqimit dhe Barnave.
Testet e Pfizer dhe Moderna tek kjo grupmoshë do të ndihmojnë për të kuptuar efektet anësore të vaksinave anti-Covid te fëmijët, sidomos në identifikimin e rasteve të sëmundjeve të rralla të zemrës që kanë prekur të rinj nën moshën 30 vjeç.
Pfizer pranoi zyrtarisht se ka nisur më 8 Qershor provat klinike tek fëmijët e moshës 5-11 vjeç, ndërsa më 21 Qershor ka nisur testet tek fëmijët nën 5 vjeç.
Në këtë studim janë përfshirë 4500 persona nga Shtetet e Bashkuara të Amerikës, Finlanda, Polonia dhe Spanja.
Rezultatet e para të këtyre provave klinike pritet të dalin në muaijn Shtator.
/Priza.al/
