Stefano Pioli akuzoi gjyqtarin Jesus Gil Manzano për praktikimin e “standardeve të dyfishta” pas humbjes së përulur të AC Milan ndaj Interit në Ligën e Kampionëve.
Mund të ishte më keq pasi gjyqtari spanjoll Manzano tregoi penalltinë pasi Lautaro Martinez u duk se ishte goditur brenda zonës nga Simon Kjaer.
Mirëpo, një ndërhyrje nga VAR-i e bëri atë të ndryshojë mendje dhe ktheu vendimin fillestar të penalltisë dhe kartonin e verdhë që i dha danezit.
Megjithatë, zyrtari nuk e paralajmëroi sulmuesin që u hodh në dysheme pavarësisht protestave të ashpra nga lojtarët e Milanit.
Pas ndeshjes, Pioli shfryu zemërimin e tij ndaj arbitrit dhe tha: “Jam i zemëruar me arbitrin, ai përdorte shpesh standarde të dyfishta.
“Interi ka vënë më shumë cilësi në pjesën e parë dhe ne kemi humbur shumë topa gjatë ndeshjes. Deri në minutën e shtatë Interi nuk kishte hyrë kurrë në zonën tonë, pastaj shënoi dy gola.
Është turp sepse ne besuam te ndeshja .Ne do të përpiqemi të bëjmë më mirë në ndeshjen e dytë. Ndeshja shkoi keq nga pikëpamja taktike dhe mendore.”
