Policia ka arrestuar një person si i dyshuar për sulmin e një ditë me parë në një stacion metroje në Nju Jork ku mbetën të plagosur 23 persona.
BBC ben me dije se ai eshte Frank James, 62 vjeç.
Të mërkurën në mëngjes, zyrtarët thanë se James ishte i vetmi i dyshuar në të shtënat, në të cilat 23 persona u plagosën, 10 prej tyre nga të shtënat me armë zjarri.
Mediat e huaja raportuan se autori i dyshuar kishte veshur një maskë gazi dhe një jelek portokalli. Po ashtu thuhet se ai ishte i veshur si punonjës i Autoritetit të Transportit Metropolitan, ndaj kjo gjë e ka lejuar atë që të përzihej me turmën dhe të arratisej.
