Një plagosje me armë zjarri ka ndodhur mbrëmjen e sotme në autostradën Rrëshen -Kukës, ku një 51-vjeçar është plagosur me armë zjarri.
U mësua se 52-vjeçari është konfliktuar me agresorët e tij pranë një karburanti, dhe më pas u përdor arma e zjarrit.
Njoftimi i policisë
Mirditë / Informacion paraprak
Në Urgjencën e Spitalit Rajonal Rrëshen është dërguar për ndihmë mjekësore, i plagosur me armë zjarri shtetasi M.P. 51 vjeç, banues në Klos, Mirditë.
Nga hetimet e paraprake dyshohet që ngjarja të ketë ndodhur në autostradën Rrëshen -Kukës, në Fan, Mirditë pas një konflikti të çastit të shtetasit M.P. me dy shtetas të tjerë të cilët janë shpallur në kërkim dhe punohet intensivisht për kapjen e tyre, por për shkak të hetimit, nuk bëjmë me dije të dhëna të tjera për identitetet e tyre.
Vazhdojnë veprimet për zbardhjen e plotë të ngjarjes dhe kapjen e autorëve.
