Një precedent i pazakontë ka ndodhur pak më parë në Kuvendin e Shqipërisë, ku administrata e këtij të fundit, ka ndërprerë transmetimin Live, sapo nga komisioni hetimor janë larguar deputetët e PS-së.
Administrata e Kuvendit me një urdhër që ende nuk dihet se nga cili është dhënë, ka ndërprerë transmetimin e mbledhjes së Komisionit parlamentar Hetimor Për Zgjedhjet e 25 Prillit, sapo deputetët e PS-së janë larguar për së dyti.
Me gjithë paralajmërimet e kreut të Komisionit, deputetit të PD-së, Enkelejd Alibeaj, transmetimi në faqen e “Facebook” të Kuvendit të Shqipërisë është ndërprerë pas debatit mes Alibeajt dhe Drejtoreshës së Shërbimit në Kuvend Lefterie Luzi.
Ndërkohë që Alibeaj ka paralajmëruar se do të ketë kallëzim penal, për këdo punonjës të administratës së Kuvendit, që vendosi të ndërpresë transmetimin.
“Do paraqes kallëzim penal për këdo punonjës të administratës së kuvendit që vendosi për ndërprerjen e transmetimit të mbledhjes së komisionit”, deklaroi Alibeaj, i cili vijon të drejtojë mbledhjen pa praninë e opozitës dhe të pa transmetuar për mediat.
Pjesë nga debati:
Gogu: Doni të bëni mbledhje partie në zyrat e komisionit.
Blerina Gjylameti: Jeni pa kuorum, jeni ne shkelje te rregullore.
Alibeaj: Mbledhja ka nisur është çelur sipas rregullores, ju keni detyrat tuaja për të vazhduar transmetimin, deri kur kryetari te deklaroje fundin e saj. Nëse do merrni urdhra të paligjshme, ose të merrni urdhra për të ndërprerë sinjalin televiziv do jem i detyruar të ushtroj të drejtat e mia, për gjithëkënd nga ju, deri në kallëzim penal.
Lefterie Luzi: Ndërprisni mbledhjen!
Alibeaj: Zonjë, ju lutem dilni. Garda të nxjerrë jashtë zonjën se nuk është deputete. Ka marrë vërejtje nga kryetari. Garda ta nxjerrë jashtë!
Alibeaj: Po i them administratës, mbledhja ka filluar. E deklaron kryetari. Keni detyra për të transmetuar mbledhjen. Nëse do të ndërpreni sinjalin, do të ushgtoj të drejtat e mia për të gjithë nga ju. Deri në kallëzim penal. Mos u bëni pengesë. O zonjë kush je ti që vjen këtu e na thua. Nëse vazhohet kështu, do të bëhet kallëzim penal nga i pari tek i fundit. Zonjë je duke shkelur ligjin.
Lefterie Luzi: Më ço në ndjekje penale.
Alibeaj: Garda nxirreni jashtë. Nuk është deputete. Nxirreni nga salla. Nuk është deputete dhe nuk rri dot sepse ka marrë vërejtje. Garda nxirrni jashtë.
Pjesë nga debatet në komision..:
Enkelejd Alibeaj: Nuk e hedh dot në votim rregulloren, se s’ma thotë ligji. Për çështje të tjera, rregulloren e kmisonit dhe orarit dhe datën e kam bërë në përputhje me të. Pikën e parë të rregullores e nisëm mirë e bukur. Kishim rënë dakord dhe me zonjën Bushka, që të përdornim draftin, pa bërë asnjë ndryshim, i përdorur në komisionet e mëparshme. Propozimet që vijnë nga ana juaj, përmbysnin germën e ligjit. Propozimi juaj; e drejta për të marrë vota, i nënshtrohet votimit. Ju keni shumicën dhe do të rrëzoni marrjen e provave. Për këtë arsye jam në drejtim të këtij komisioni, se kryesimi i këtij komisioni i përket opozitës.
Xhemal Qefalia: Nuk po respektohen rregullat. Ju vërtetë jeni përfaqësues i opozitës, por jeni dhe kryerat i këtij komisioni. Që në ditën e parë të mbledhjes, në konstituimin e komisionit, se kuptoj pse keni pasur frikë të respektoni rregulloren për zgjedhjen e sekretarit. Ndaj ju lutem respektoni këtë gjë. Të vendosim normat dhe rregullat se si do të funksionojë komisioni. Hajde të hedhim ato kërkesa që keni ju,. Kemi dhe ne kërkesa për të shtuar. Po ta fusim komisioni në vijë.
Oerd Bylykbashi: Përtej faktit që mund të jetë dikush i ri në mbledhjet e komisionit. Komisionet parlamentare hetimore janë të vjetër.. rregulloret standarde tipike kanë qenë kështu. E kam thënë dhe e përsëris; komisionet janë zhvilluar kështu që në 2002. Ai që e kërkon, ai e drejton komisionin. Nuk ekziston koncepti që komisioni drejtohet me kryesi. Nuk mundet që ky komision të ndryshojë ligjin, qoftë duke miratuar rregulloren në kundërshtim me ligjin, aq më pak duke kufizuar ligjin për mbledhjen e provave. Nuk ekziston mundësia ligjore. Ky komision nuk mund të shkelë ligjin. E kuptoj përpjekje. Sigurisht qëllimi ynë është që të fusim në udhinë e shkeljeve që ka bërë maxhoranca. Udhia e vetme është; hetimi i vetëm, shkeljet që ka bërë qeveria duke ndërhyrë në zgjedhje. ju keni një të drejtë tjetër, bëni një raport paralel si ne.
Gazmend Bardhi: Realisht kërkoj që mos e merrni si pozim të opozitës por për të çliruar punën për të ecur para. Kemi një orë që jemi marrë peng e s’po vazhdojmë dot para. Propozoj që të hedhin në votim kandidaturën e Bushkës për sekretarin. Ta lëmë si pikë të fundit rregulloren. Më pas të vazhdojmë me administrimin e të dhënave, dhe më pas t’i kthehemi diskutimeve. Mendoj se ky është propozim që i akomodon sensi që lejon të dy krahët. Jemi diskutuar dhe se dimë.
Klotilda Bushka: Jemi komision hetimor i Kuvendit dhe jo organ. Duhet të sillemi sipas atyre normave që rregullojnë veprimtarinë institucionale të një komisioni. Është e vërtetë që mbledhjen e thërret kryetari, por drejtimin e bëjnë kryetari dhe zv/kryetari. Ju e kondicionuat zgjedhjen e sekretarit me rregulloren.
/Priza.al/
