Një 12-vjeçar ka mbetur i plagosur rëndë në një aksident mëngjesin e sotëm. Aksidenti ndodhi rreth orës 07:45, në fshatin Xarë, Bashkia Konispol.
Në një aksident rrugor janë përfshirë dy motomjete që drejtoheshin nga shtetasi A.B.,27 vjeç dhe nga një i mitur 12-vjeçar me iniciale A.B.
Si pasojë e përplasjes, i mituri 12 vjeçar ka marrë dëmtime të rënda dhe ndodhet në spitalin e Sarandës, ndërsa shtetasi A.B.,27 vjeç, është dëmtuar lehtë.
Në vendngjarje ndodhet grupi hetimor dhe po punon për zbardhjen e plotë të rrethanave të ngjarjes.
/Priza.al/
