I përmendur nga vëllezërit Indrit dhe Gentian Beqiraj si porositësi i vrasjes së dy personave për shkak të konflikteve që kishin me të Polici i burgjeve në Durrës, Flamur Bejko.
Burime për median bëjnë me dije se Bejko i ka mohuar këto akuza, por ka pranuar se i ka dhënë 3 500 euro borxh njërit prej vëllezërve Beqiraj me argumentin se ai do të bënte disa dokumente për punësim në Greqi.
Ndërkohë, policia dyshon se Bejko kërkoi vrasjen e dy personave në fjalë pasi kishin konflikte me njeri-tjetrin. Sa i përket ushtararkut Altin Çelami, edhe ai i arrestuar dje, mësohet se nuk ka patur një rol aktiv në grupin kriminal, por u siguronte atyre armë ose magazinonte armët që kishin përdorur. Ndërkohë, ditën që ndodhi rrëmbimi i Indrit Beqirajt në autostradë, autorë janë personat e shpallur në kërkim, pjesë e grupit të Aleksadër Lahos i njohur me nofkën Rrumi i Shijakut. Nga verifikimet ka rezultuar se ata i kanë mbajtur në vëzhgim vëllezërit Beqiraj për llogari të tyre dhe nuk kanë pasur dijeni për atentatin që Indrit dhe Gentjan Beqiraj do kryenin për llogari të efektivit të burgjeve.
