Policia e Shtetit ka ndarë një mesazh në kuadër të 7 marsit, ditës së mësuesve. Në një postim në rrjetet sociale, efektivët shihen teksa dhurojnë lule për zonjat që ushtrojnë profesionin e mësimdhënies.
“Mësuesit janë guri i themelit të çdo shoqërie, e cila prosperon vetëm përmes mirënjohjes ndaj atyre që dhanë të tashmet e tyre për të tjera të ardhme.
Punonjësit e Policisë ndeshen çdo ditë me mësuesit e tyre, në rrugët e qarqeve ku kryejnë shërbimin. Të përzgjedhur për të mbajtur uniformën e Policisë së Shtetit, ata nuk janë më nxënës të vegjël, por garantë të denjë të ligjit dhe shtetit, të cilët gjatë patrullimit mëngjeseve të shkollës, gjejnë gjithmonë rastin të thonë “Punë të mbarë mësuese!”
Policia e Shtetit uron të gjithë mësuesit, GËZUAR 7 MARSIN. Gjithnjë të gatshëm për bashkëpunëtorët tanë kryesor, për edukimin e një shoqërie larg fenomeneve kriminale dhe që shkolla të mbetet tempulli i dijes, ku sundojnë libri, rregulli dhe normat më të mira qytetare”– thuhet në njoftim.
