Ditën e sotme është vënë në pranga 37-vjeçari Denis Kapedani pasi policia e Durrësit i ka gjetur në banesë vepra arti me vlera historike, uniforma policie e makineta të lojërave të fatit, kanabis, armë të ftohta dhe municion luftarak.
Aksioni për arrestimin e 37-vjeçarit është bërë nga Shërbimet e Komisariatit të Policisë Durrës, në bashkëpunim me Forcën e Posaçme ‘Shqiponja’.
Denis Kapedani akuzohet për ‘Prodhimi dhe shitja e narkotikëve’, ‘Mbajtja pa leje e armëve të ftohta’, ‘Vjedhja e veprave të artit e kulturës’, ‘Organizmi i lotarive të palejuara’, ‘Mbajtja pa të drejtë e uniformës’. Rezulton që ky shtetas të ketë qenë i dënuar më parë për veprën penale ‘Armëmbajtja pa leje’.
/Priza.al/
