Presidenti i Shqipërisë Bajram Begaj ka shprehur ngushëllimet e tij, për të prekurit nga tërmeti shkatërrues që goditi Turqinë dhe Sirinë, mëngjesin e sotëm. Shumë vende janë shprehur të gatshëm të ndihmojnë shtetet e prekura.
“I pikëlluar thellësisht nga tërmeti shkatërrues që goditi Turqinë dhe Sirinë këtë mëngjes. Unë dhe shqiptarët qëndrojmë pranë njerëzve të prekur dhe familjeve të tyre, që humbën të dashurit e tyre në këtë tragjedi të tmerrshme, duke shprehur ngushëllimet, mendimet dhe lutjet tona të sinqerta” – shkruan Begaj.
