Kryeministri Edi Rama pas mbledhjes së Kryesisë së PS, është ndalur të flasë për gazetarët jashtë selisë.
I pyetur nëse do ishte mundësia tani për të zgjedhur një President të përbashkët me Kosovës, Rama u përgjigj se do të kishin propozuar dhe votuar me bindje Hashim Thaçin, por kjo nuk është e mundur për shkak se ish-presidenti ndodhet në burg në Hagë, i akuzuar për krime lufte.
“Do kishim vënë Hashim Thaçin dhe do ishte i shkëlqyer dhe do ta kishim votuar me bindje, por fatkeqësisht ai nuk është i pranishëm për momentin në jetën e bashkësisë shqiptare si një qytetar i lirë, pasi ndaj tij po zhvillohet një proces i cili… mos më bëni ta them se ca procesi është”, tha Rama.
