Presidenti i Serbisë, Aleksandar Vuçiq, ka thënë se ka kërkuar nga përfaqësuesit politikë të serbëve nga Kosova që ta ruajnë paqen dhe stabilitetin.
Vuçiq u takua me përfaqësuesit serbë më 22 nëntor herët në mëngjes pasi kryeministri i Kosovës Albin Kurti shtyu zbatimin e fazës së dytë të vendimit për targat serbe për 48 orë në veri të Kosovës.
Kërkesa për një vonesë prej 48 orësh është bërë nga Shtetet e Bashkuara.
Më 22 nëntor, Vuçiq tha në llogarinë e tij në Instagram në një deklaratë video se “ne i përgjigjemi arrogancës së njerëzve të tjerë ashtu siç përgjigjen njerëzit e denjë”.
“Ne duam vetëm të mbrojmë tonat dhe asgjë më shumë. Kështu që jam i sigurt se si komb do të tregojmë pjekuri dhe do të ruajmë vatrat tona”, tha Vuçiq.
