Presidenti i UEFA-s, Aleksander Ceferin tha se skandali i arbitrave me të cilin përballet Barcelona është një nga situatat më të rënda që ai ka parë ndonjëherë në futboll.
Organi drejtues i futbollit evropian njoftoi në mars se kishte hapur një hetim për pagesat që Barça i kishte bërë ish-zëvendëspresidentit të komitetit të arbitrave të Spanjës.
Nga viti 2001 deri në vitin 2018, Barça pagoi mbi 7 milionë euro për Jose Maria Enriquez Negreira. Klubi katalanas thotë se ata po blinin “raporte teknike mbi arbitrimin” dhe mohojnë blerjen e zyrtarëve të ndeshjes apo ndikimin.
“Situata është jashtëzakonisht serioze,” tha Ceferin në një intervistë për gazetën sllovene Ekipa të hënën kur u pyet për ngjarjet rreth Barçës.
“Është kaq serioze sa, për mendimin tim, është një nga situatat më serioze në futboll që kam parë ndonjëherë”, tha ai.
