Presidenti i Ukrainës, Volodymyr Zelensky ka reaguar sërish në lidhje me sulmet e ushtrisë ruse ndaj vendit.
Zelensky ka kërcënuar ushtrinë ruse se ushtarët ukrainas do të shkatërrojnë potencialin e pushtuesve hap pas hapi.
Sakaq shtoi se këta të fundit do të vriten si vesa në diell.
“Ushtarët ukrainas do të shkatërrojnë potencialin e pushtuesve hap pas hapi dhe do të vijë dita kur armiku do të zhduket në Zaporizhzhia, në jug, në lindje të vendit dhe në Krime. Pushtuesit do të vdesin si vesa në diell dhe mbrojtja jonë është dhe do të jetë ky diell. Gëzuar Ditën e Aviacionit të Ukrainës”, ka thënë presidenti ukrainas
