Ministrja e Arsimit, Evis Kushi ka reaguar në lidhje me abetaren e përbashkët, Koso-Shqipëri.
Përmes një postimi në ‘Facebook’, Kushi shkruan se kjo nisëm është mirëpritur edhe nga Mali i Zi, ku dhe ka mbajtur një takim me ministrin e Arsimit, Miomir Vojinović.
Sakaq shton se projekti për abetaren do të zbatohet së shpejti dhe në Malin e Zi.
Postimi i plotë:
Kënaqësi të mirëprisja në #MAS Ministrin e Arsimit të Malit të Zi z. Miomir Vojinović, me të cilin diskutuam rreth forcimit të bashkëpunimit dhe nxitjes së projekteve të përbashkëta dhe shkëmbimeve në fushën e arsimit.
Diskutuam edhe për mundësinë e përdorimit të Abetares së Përbashkët Unike për nxënësit shqiptarë në Malin e Zi. Z. Miomir Vojinović u shpreh se është i gatshëm të bashkëpunojë për lehtësimin e procedurave, në mënyrë që ky projekt të zbatohet edhe atje sa më shpejt.
