Një tjetër media e njohur amerikane, i ka kushtuar një shkrim ish-agjentit të FBI-së, Charls McGonigal, i akuzuar për korrupsion, marrje ryshfeti dhe takime sekrete me kryeministrin Edi Rama.
Në artikullin e publikuar thuhet se “Politikanë të opozitës ose njerëz të biznesit që mbështesin partinë opozitare u shtuan në “listën e zezë” të McGonigal.
Po ashtu sipas prestigjozes amerikane, në këtë ‘listë të zezë’ të figurave që janë goditur nga Charls McGonigal është shtuar dhe lideri i opozitës, Sali Berisha. Ky i fundit u godit me statusin person “non grata” dhe iu ndalua të udhëtonte në SHBA nga Sekretari i Shtetit Antony Blinken”.
Ndër të tjera, në shkrimin e “NYP” thuhet se “sipas prokurorëve, McGonigal mori 225 mijë dollarë para në dorë në vjeshtën e vitit 2017, ndërsa ishte shefi i kundërzbulimit të FBI-së në Nju Jork, nga një ish-zyrtar shqiptar i inteligjencës, i identifikuar në mediat shqiptare dhe evropiane si Agron Neza”.
Pjesë nga shkrimi i NYP
Problemet e reputacionit të FBI-së janë përshpejtuar me arrestimin e ish shefit të kundërzbulimit, Charls McGonigal i akuzuar për korrupsion, i cili gjithashtu ka qenë i lidhur me Hunter Biden.
Në dy paditë muajin e kaluar, McGonigal u akuzua për marrjen e pagesave sekrete nga një ish-oficer i inteligjencës shqiptare, për mbajtjen e takimeve sekrete me kryeministrin shqiptar Edi Rama dhe përpjekjen për të hequr oligarkun kryesor të Kremlinit Oleg Deripaska nga një listë e sanksioneve të SHBA.
Shqiptarët e përmendur nga prokurorët e lidhin këtë skandal me Hunter Biden dhe kompaninë kineze të energjisë CEFC që i pagoi atij dhe xhaxhait Jim miliona dollarë në një marrëveshje të cilës Joe Biden ishte planifikuar të bashkohej pas përfundimit të nënpresidencës së tij.
Sipas prokurorëve, McGonigal mori 225 mijë dollarë para në dorë në vjeshtën e vitit 2017, ndërsa ishte shefi i kundërzbulimit të FBI-së në Nju Jork, nga një ish-zyrtar shqiptar i inteligjencës, i identifikuar në mediat shqiptare dhe evropiane si Agron Neza.
Nga ana tjetër, Neza prezantoi McGonigal me një tjetër shqiptar, Dorian Duçkën, i cili ishte këshilltar i Ramës dhe gjithashtu punonte për CEFC.
Një fotografi e publikuar muajin e kaluar në median shqiptare me burim nga China Daily në maj 2017 tregon Duçkën duke qëndruar me kryetarin e CEFC, Ye Jianming, i cili i dha Hunterit një diamant 3,16 karatësh që vlerësohet të jetë 80,000 dollarë në shkurt 2017.
Dikush me të njëjtin emër të pazakontë si Ducka shfaqet në laptopin e braktisur të Hunterit në një diskutim me email rreth CEFC midis Hunter dhe bashkëpunëtorëve James Gilliar dhe Rob Walker.
“Dorian ishte një ndihmë e vërtetë që herët, kështu që ne duhet të shqyrtojmë se si ta përfshijmë atë,” shkroi Gilliar në emailin e 13 majit 2017.
“Në asnjë mënyrë nuk e bëjmë atë,” përgjigjet Hunter, “dhe nëse shumica thotë jo, unë do ta heq atë nga pagesat e mia”
“Hunter nuk do të hiqte asnjë qindarkë”, thotë një burim, i cili beson se “Doriani” i përmendur mund të jetë Duçka, pasi Gilliar kishte bërë biznes për CEFC në Shqipëri. “Kështu që Hunter duke thënë se ai do të paguante [Dorianin] është një demonstrim i lidhjeve të forta.”
Pse po paguanin shqiptarët McGonigal?
Sipas Belind Kelliçit, kandidati i Partisë Demokratike të Opozitës për zgjedhjet e majit për kryetar bashkie në Tiranë, Shqipëri, McGonigal hapi hetime të FBI-së për kundërshtarët politikë të kryeministrit të Partisë Socialiste Shqiptare Rama, hetime të përdorura për t’i shpallur ata persona non grata, të paaftë për të bërë biznes ose për të hapur një llogari bankare në SHBA.
“Lista e zezë” e McGonigal
Politikanë të opozitës ose njerëz të biznesit që mbështesin partinë opozitare u shtuan në “listën e zezë” të McGonigal.
Këtu përfshihej edhe ish-lideri i opozitës Sali Berisha, i cili u godit me statusin person “non grata” dhe iu ndalua të udhëtonte në SHBA nga Sekretari i Shtetit Antony Blinken.
Fundjavën e kaluar, skandali i McGonigal luajti një rol kryesor në një protestë antiqeveritare në Shqipëri përpara ndërtesës kryesore të qeverisë, ku kërkohej dorëheqja e Kryeministrit për korrupsion të dyshuar për shkak të takimeve të tij me McGonigal. Pankartat me emrin e ish-agjentit të FBI-së ishin të kudogjendura.
Lidhjet e Hunterit me FBI-në ishin gjithashtu një temë diskutimi midis partnerëve të tij të biznesit. Një burim kujton se i ishte thënë për një bisedë që ndodhi diku midis korrikut dhe shtatorit 2017, në të cilën Hunter u pyet nga Kryetari Ye i CEFC nëse ai mund të zbulonte përmes kontakteve të tij të FBI ose Departamenti i Drejtësisë nëse Ye ose Ho ishin objektiva të një hetimi të FBI-së. Hunter më pas i raportoi Ye se të dy ishin tw pastwr dhe nuk po hetoheshin.
“Kryetari Ye ishte i zemëruar” se inteligjenca e Hunterit ishte e gabuar, kujton burimi.
“Ai i kërkoi në mënyrë specifike Hunterit të shikonte nëse Patrick Ho apo ai ishte një objektiv. Hunter kthehet te Kryetari Ye dhe thotë jo. Ho më pas fluturon në SHBA dhe mbahet në aeroportin John F. Kennedy.
