Në një konferencë për Javët Ndërkombëtare të Kulturës që nis sot me Francën, kryeministri Edi Rama është pyetur edhe në lidhje me projektin e Teatrit Kombëtar në lidhje me arsyet se pse nuk po ndërtohet.
Rama pohoi se kjo vonesë lidhet me rritjen e çmimeve në fushën e ndërtimit, ku nevojitet një manual i ri shpenzimesh dhe nga ana e qeverisë.
Pyetja: Pse nuk po ndërtohet Teatri Kombëtar, a ka ndryshim planesh apo mungesë parash?
“Për fat të keq prej 3 vitesh kemi plane dhe projekte për të realizuar ndërkohë që vendi, përballet nga një sërë faktorësh jashtë nesh. Fatkeqësisht lufta që ka nisur në Ukrainë, ka goditur shumë në rritjen e çmimeve, jemi diskutuar për ndikimin që ka pasur së fundi rritja e çmimeve edhe në industrinë e ndërtimit, gjithë problemi është ky moment i vështirë, i kalimit nga plani në letër në zbatim.
Është e kot që me çmimin ekzistues t’iu kërkosh kompanive që të investojnë për interesin publik, që janë shumë më të shtrenjta nga sa janë në manualin e vjetër. Patjetër që Teatri do të ndërtohet ashtu si plani që ne kemi publikuar, pasi është futur në mes një ngjarje që nuk mund të parashikohet dhe evitohet”, u shpreh Rama.
