Julian Nagelsmann ka treguar publikisht zemërimin e tij pasi gazeta ‘Sport Bild publikoi’ një përshkrim të detajuar të planeve taktike të ekipit të tij.
Gazeta gjermane tregoi dokumentet origjinale që trajneri i Bayernit u dorëzoi lojtarëve të tij, në të cilat shpjegohet me shumë detaje misioni që secili duhet të kryejë taktikisht, si dhe itinerarin e tij specifik. Pamjet shoqërohen me disa shënime në të cilat një rëndësi të veçantë ka ajo që tekniku e quan “xhol”, që është anësori wild card i ngarkuar të krijojë epërsi në linja me lëvizjet e tij.
Rrjedhja e informacionit ka bërë të ndihet shumë keq Nagelsmann, i cili u shpreh shumë i ashpër në paraqitjen e tij para mediave: “Më shqetëson shumë. Personi që e transmeton këtë dëmton secilin nga lojtarët, ai nuk është objektivi. Cili është personi që transmeton këto? Çfarë po pret? Nuk e shoh se cili mund të jetë motivimi i tij, përtej lehtësimit të detyrës për kundërshtarin”.
Nagelsmann e di se do të jetë shumë e vështirë për të gjetur “spiunin”: “Spiunët janë specie të mbrojtura. Sa herë që kaloni nëpër fshat, shihni 80,000 spiunëve dhe nuk mund t’i shpëtoni prej tyre. Zbulimi i tyre është shumë, shumë i vështirë.”
Trajneri e kupton që ajo që ndodhi është një tradhti ndaj kodeve të futbollit: “Përpiqem të gjej arsyen. Për mua është gjithmonë e rëndësishme të jem në gjendje të shikohem në pasqyrë gjatë natës, të trajtoj mirë lojtarët dhe kolegët e mi trajnerë. Shpresoj që ky person të mos shihet në pasqyrë sepse nuk do të ndihet mirë.”
