Kryetari i Partisë Demokratike Lulzim Basha përmes një postimi në Twitter tregon se përse Shqipëria ka nevojë për vetting në politikë. Ai e cilëson si zgjidhjen e vetme për të ulur korrupsionin në vendin tonë.
Ndërsa citon një raport të World Justice Project për Treguesin e Korrupsionit në vitin 2021, kryedemokrati thotë se që vendi të mos jetë i pari në Evropë për përhapjen e korrupsionit në të gjitha nivelet e qeverisë dhe i dyti në botë për rryshfetin, është i nevojshëm vettingu i politikanëve. Gjithashtu vettingu ndikon edhe në hapjen e negociatave me BE-në.
Postimi i plotë
Që të mos jemi të parët në Europë për përhapjen e korrupsionit në të gjitha nivelet e qeverisjes dhe të dytët në botë për ryshfetin, Shqipëria ka nevojë për vetting në politikë. Rrëzimi i murit të korrupsionit, si pengesa që varfëron familjet shqiptare, cënon rendin & sigurinë dhe vret demokracinë, do çlirojë potencialin e jashtëzakonshëm të Shqipërisë dhe do të hapë rrugën drejt BE-së.
1/2 Që të mos jemi të parët në Europë për përhapjen e korrupsionit në të gjitha nivelet e qeverisjes dhe të dytët në botë për ryshfetin, Shqipëria ka nevojë për vetting në politikë. pic.twitter.com/8HupcUhdPe
— Lulzim Basha (@lulzimbasha_al) November 14, 2021
/Priza.al/
