Një ngjarje e rëndë është regjistruar ditën e sotme në Pustec, ku trupi i pajetë i një 80-vjeçarjeje është gjetur në liqen. E moshuara ishte denoncuar si e zhdukur nga e bija në 30 dhjetor, ndërsa pas kërkimeve u arrit gjetja e trupit. Viktima është shtetasja 80 vjeçe me inicialet S. Sh. banuese në Liqenas. Policia ka bërë me dije, ne në trupin e pajetë nuk janë konstatuar shenja dhune. Grupi hetimor ka nisur punën për zbardhjen e plotë të ngjarjes.
“Më datë 02.01.2023, rreth orës 10:00, në fshatin Liqenas, Pustec, pranë molit është konstatuar e mbytur në ujë, shtetasja S. Sh., 80 vjeçe, banuese në Liqenas. Nga këqyrja paraprake e trupit të viktimës, nuk janë konstatuar shenja dhune. Për shtetasen S. Sh., një ditë më parë, ka bërë kallëzim në Polici, vajza e saj shtetasja V. Sh., rezidente në Greqi, e cila ka deklaruar se nëna e saj ishte larguar nga banesa më datë 30.12.2022. Trupi i pajetë i 80-vjeçares, është nxjerrë nga uji dhe do të dërgohet pranë morgut të spitalit Korçë, për ekzaminime të mëtejshme”
