Rusia do të përgjigjet në të njëjtën mënyrë “nëse NATO vendos trupa dhe infrastrukturë në Finlandë dhe Suedi pasi të bashkohen me aleancën ushtarake të udhëhequr nga SHBA”. Kështu deklaroi presidenti Vladimir Putin. “Suedia dhe Finlanda duan të anëtarësohen në NATO? A mund ta bëjnë këtë”, përsëriti Putin – cituar nga Guardian – në televizionin shtetëror rus, duke nënvizuar megjithatë se si “ata duhet ta kuptojnë se më parë nuk ka pasur asnjë kërcënim, ndërsa tani nëse kontigjentet ushtarake dhe infrastruktura do të dislokohen do të duhet të përgjigjemi në mënyrë të ngjashme dhe të krijojmë kërcënime të barabarta për territoret nga vijnë kërcënimet ndaj nesh”.
Lufta në Ukrainë arrin ditën e 127-të. “Ushtria ruse nuk godet objektivat civile gjatë operacionit ushtarak special në Ukrainë”, siguroi presidenti Vladimir Putin se “nuk ka pasur sulm terrorist në Kremenchuk”. “Ne do të përgjigjemi nëse trupat e NATO-s vendosen në Finlandë-Suedi”, tha ai, duke kujtuar se “operacioni në Ukrainë po vazhdon sipas planit”. Qeveria e Mbretërisë së Bashkuar njoftoi 1 miliard £ (1.16 miliardë euro) ndihmë shtesë për Ukrainën. NATO ndërkohë ka bërë të ditur lufta mund të zgjasë deri në vitin 2023.
