Kryeministri Edi Rama thekson se më shumë se 18 mijë punonjës të sistemit shëndetësor do të përfitojnë rritje page në dy vitet e ardhshme. Nëpërmjet një postimi në Facebook, kryeministri ka theksuar se qeveria do të jetë më afër qytetarëve shqiptarë duke mundësuar paga më të mira.
“Më afër familjes dhe shoqërisë, me paga më të mira. Në dy vitet e ardhshme do të ketë sërish rritje të pagës nga 26%-34% për rreth 18,858 punonjës të Sistemit Shëndetësor”, ka shkruar Rama eksa ka ndarë edhe një video të një mjeku që u bën thirrje bluzave të bardha për të mos u larguar nga vendi.
