Rama: AI do transformojë legjislacionin dhe prokurimet publike

Kryeministri Edi Rama ka deklaruar se përpjekjet për të përafruar legjislacionin e Bashkimit Europian (BE) do të realizohen me ndihmën e inteligjencës artificiale (AI). Gjatë fjalës së tij me fituesit e startup-eve, Rama theksoi se AI do të ndihmojë në zhvillimin e prokurimeve publike dhe përmirësimin e platformës e-Albania.

Sipas tij, modeli i AI do të mundësojë përpunimin e shpejtë të legjislacionit të BE dhe 250 mijë teksteve që janë pjesë e tij.

“Ne kemi në punë modelin e AI, që bën trasnformimin e ligjit dhe atyre 250 mijë teksteve të BE, për të cilat, vendet e tjera para nesh, kanë punësuar një armatë, vendi ynë e bën brenda pak minutash. Kroacisë, vetëm kjo punë i mori 7 vjet. Ne po e bëjmë shumë shpejt, për 5-6 muaj do e kemi të përfunduar. Po kështu, me prokurimet publike jemi duke punuar me Microsoft, për prokurime publike pa pjesëmarrjen e njeriut. Është një projekt shumë ambicioz. Ne po përpiqemi me Microsoft të bëjmë një model që e bën të gjithën, shpresojmë ta kemi deri në fund të 2026. E-Albania do kalojnë në një tjetër nivel, ajo diella që del aty dhe flet, do e bëjë të gjithë shërbimin. Kjo do të realizohet me kërkesë, do i thuhet diellës dua këte, të gjithë punën do ta bëjë diella, asistenti virtual”, theksoi ai.

Share This Article
Leave a comment

Leave a Reply

Your email address will not be published. Required fields are marked *