Kryetari i Partisë Demokratike, Sali Berisha, është shprehur se kryeministri Edi Rama është nën hetim të plotë nga FBI, për skandalin e McGonigal.
Me anë të një postimi në rrjete sociale, Berisha tha se Rama akuzohet për korruptimin e McGonigal përmes Agron Nezës. Më tej, ai shprehu bindjen se kryeministrin nuk e mbron dot më askush dhe i bëri thirrje Ramës që të japë dorëheqje.
“Edi Rama është në hetim të plotë nga FBI për korruptimin e McGonigal nga Rama-Neza. Atë nuk e mbron dot më askush! Të dashur miq, të gjithë ata që u thonë ju se Edi Rama nuk është në hetim, mashtrojnë në mënyrë të paskrupullt! Dhe njëherë i bëj thirrje Edi Ramës, largohu! Jep dorëheqjen bashkë me kabinetin tënd të kalbur”, shkruan Berisha.
