Kryetari i Partisë së Lirisë, Ilir Meta iu përgjigj nga Korça deklaratave të bëra nga kreu i qeverisë Edi Rama në Kavajë që demokratët të flenë gjumë në datë 14 Maj. Meta tha se demokratët nga Kavaja dhe gjithë Shqipëria mesi e presin këtë ditë dhe ndryshimi do të jetë i padiskutueshëm.
“Edi Rama vetëm një orë bënte thirrje demokratëve nga Kavajë që ditën e diel të flinin gjumë. Demokratët nga Kavaja dhe gjithë Shqipëria kanë katër vjet që mezi e presin këtë ditë.
Ndryshimi është i padiskutueshëm nga Tropoja dhe Kukësi deri në Sarandë dhe Konispol. Korça ka privilegjin të jetë kryezonja e ndryshimit” – tha Meta.
