Kryeministri Edi Rama ndodhet ditën e sotme në qytetin e Vlorës, ku ka marrë pjesë në Asemblenë e Partisë Socialiste dhe më pas do të marrë pjesë edhe në aktivitetin e 100 vjetorit të themelimit të klubit të “Flamurtarit”.
Mësohet se në Asamble sot me një votim të fshehtë do të përcaktohet kandidati për kryetar bashkie në zgjedhjet e “14 Majit”, mes Fate Velaj dhe Ermal Dredhës.
Po ashtu bëhet me dije se Rama ka ngritur tonet gjatë diskutimit me deputët e këtij qarku për fushatën që ata bënë për kandidat për kryetar bashkie.
Kryeministri i shoqëruar nga drejtuesi politik i qarkut, Blendi Klosi ka mbështetur punën e deritanishme të bërë nga prefekti, Flamur Mamaj.
