Kryeministri Edi Rama ka mbledhur këtë paradite kabinetin qeveritar. Në prag të fushatës elektorale, Rama ka njoftuar këtë të enjte vendimet e qeverisë, ku tha se do të ketë rritje paga për të mësuesit, infermierët dhe pedagogët.
“Dola sot këtu sepse është një nga ditët të shënuara të qeverisjes. Sapo kemi dakordësuar projektligjin për reformën e re të pagave. Kemi sanksionuar e zeza mbi të bardh se në harkun e një viti paga mesatare do shkojë nga 563 euro në 900 euro. Për të ardhur në ditën që ta krijojmë këtë mundësi për shtëpinë tonë dhe të rishpërndajmë të ardhurat aty ku me shumë të drejtë familjt presin më shumë se çdo gjë tjetër në arkën e buxhetit të tyre. është e rëndësishme të konstatojmë se sa e qëndrueshme është ekonomia jonë, pavarësisht goditjeve që ne kemi marrë. Ia kemi dalë të rezistojmë.”, tha Rama.
Rama tha se paga e mësuesit do variojë nga 75 mijë lekë deri në 100 mijë lekë dhe pedagogët mund të rrisin pagat në vlerat nga 20% deri në 30. Sakaq tha se do të ketë rritje page për zjarrfikësit, forcat e armatosura dhe sistemin e sigurisë ku theksoi se paga mesatare deri vitin tjetër do arrijë në 900 euro.
Ndër të tjera shpjegoi se rritja e pagave do bëhet në dy faza, ku e para do të nisë menjëherë për mjekët, infermierët dhe mësuesit.
Rama: Paga e specialistëve do të shkojnë në 81 mijë lekë, mësuesve në arsimin e mesëm do shkojë mbi 100 mijë lekë, arsimi bazë do shkojë nga 74 deri në 95 mijë. Këto janë shifra bazë, pastaj do shihen kualifikimet, vjetërsia punë dhe gjërat do shkojnë më mirë. Do ketë rritje dhe për pedagogeve, me 20 përqind dhe mund të shkojë deri në 30. Dua t’i them dhe infermiereve që do të kapin një bazë prej 87 mijë por do të shkojë dhe mbi 90 mijë. Do të ketë rritje dhe për forcat e armatosura dhe sistemin e sigurisë, zjarrfikësve pasi janë shumë të rëndësishëm do t’ia çojmë deri në 80 mijë lekë. E gjitha do bëhet me dy hapa, e para do nisë me mësuesit, mjekët e infermierët, me të tjerët pasi parlamenti të kalojë projektligjin. Më pas vitin e ardhshëm do bëjmë të gjithë kuadrin, dhe paga mesatare do arrijë 900 euro.
