10% e specieve të Mesdheut do të zhduken deri në vitin 2050.
Bazuar në raportin e fundit të Panelit Ndërqeveritar mbi Ndryshimet Klimaterike në OKB, thuhet se ndryshimi i temperaturës në këtë shekull do të japë pasoja imediate dhe konkrete në popullsitë e detit kryesor të botës.
“Deri në 20% e specieve detare me vlerë të madhe ekonomike në Mesdheun Lindor dhe shumica e peshqve në Detin e Zi do të zhduken në katër dekadat pasuese”, thotë raporti.
Një tjetër problem është rritja e temperaturës, si pasojë e të cilës edhe numri i të vdekurve do të rritet nga 2 700 në vit që është aktualisht në 30 000-50 000 në vitin 2050. Po kështu në mesin e shekullit tonë parashikohet që 54% e popullsisë mesdhetare të ketë kufizime në ujin e pijshëm.
