Një bujë e madhe është krijuar në rrjet për shkak të ndryshimit që ndodhi në Instagramin e Luiz Ejllit.
Ditën e djeshme Anaid Kaloti hodhi dyshime se Jurgena, vajza që ka menaxhuar Instagramin e Luizit, ka qenë nën kërcënimin e Meridian Ramçaj dhe Top Channel, pasi ata e kanë dashur gjithmonë Instagramin e tij.
E sipas tij, rasti më i mirë për t’a bërë këtë ka qenë pas hapjes së “GoFundMe”, ku produksionit i lind e drejta të thotë se imazhi i Luizit po keqpërdoret jashtë.
Përsa i përket kësaj situate, një reagim ka ardhur për herë të parë nga vajza në fjalë, Jurgena Tusha. Ajo ka hapur një llogari në Instagram dhe ka mohuar fjalët për Meridianin. Mikesha e Luizit ka pranuar se është kërcënuar nga ‘Top Channel’ dhe se do të hidhej në gjyq nëse nuk e dorëzonte Instagram-in e tij.
Mirëpo, a është kjo adresa e vërtetë e Jurgenës?
Në këtë situatë të bujshme është e thjeshtë që gjithkush të pretendojë se është vajza në fjalë dhe të përfitojë nga kjo gjë. Ajo çka ngriti dyshime është se kjo llogari që supozohet të jetë e Jurgenës nuk ndiqet në Instagram as nga motra e as nga kunati i Luizit.
Gjithashtu, në story-t e Jurgenës është bërë një ripostim ku shihet se kunati i Luizit i ka kërkuar ndjekësve t’a ndjekin Jurgenën, mirëpo në vetë Instagramin e tij ky postim nuk egziston.
Për këtë, do të duhet të presim një reagim nga vetë familjarët e Luizit për të konfirmuar nëse kjo adresë është me të vërtetë e Jurgenës.
