Carlo Ancelotti këmbënguli se Real Madrid nuk do të ketë një plan specifik për të ndaluar Erling Haaland pasi Manchester City nuk e ka ndryshuar stilin e tyre.
Sulmuesi norvegjez ka qenë në formë të jashtëzakonshme dhe ka pasur një sezon debutues rekord në Angli, duke shënuar 51 gola në 46 ndeshje, gjë që e mban Manchester Cityn në kërkim të një treshe historike.
Teksa dy superfuqitë evropiane rinovojnë armiqësitë në Ligën e Kampionëve, trajneri i Real Madridit, Ancelotti ka pohuar se ai po përgatit skuadrën e tij për një Manchester City “të pandalshëm” dhe jo duke u fokusuar vetëm te Haaland, i cili është një “rrezik i dukshëm”.
“Haaland është një lojtar shumë i rrezikshëm. Ai është një rrezik i dukshëm. Por vetëm të flasësh për Haaland do të thotë të mos flasësh për një ekip të plotë që luan mirë, që sulmon, që ka ide.
Ne nuk po planifikojmë se si të luajmë me Haaland por më tepër për të luajtur një ekip që duket i pandalshëm.
Mendoj se mund të kemi një shans për të luajtur një lojë të barabartë, konkurruese dhe ne mund të fitojmë,” u tha ai gazetarëve.
Ancelotti beson se City nuk ka bërë ndryshime të mëdha në stilin e tyre për të akomoduar Haaland, por tani janë bërë më të “kompletuar” me sulmuesin që shënon gola rregullisht.
“Ajo që mund të them është se ata janë një ekip më i kompletuar. Ata mund të luajnë pak më të drejtpërdrejtë.
Ata përdorin më shumë topa të gjatë sepse kanë një sulmues shtatlartë [Haaland] dhe ata kanë [Kevin] De Bruyne pas tij.
Në shumë Nga ndeshjet ata kanë përfituar nga kjo, duke luajtur një top të gjatë dhe duke fituar topin e dytë por kjo nuk do të thotë se skuadra ka ndryshuar stilin e saj”, vazhdoi ai.
