Real Madrid po e ndjek yllin brazilian Riçarlison ndërsa planifikon të bëjë një ofertë në verë. Sulmuesi ka hasur probleme te Tottenham që kur iu bashkua klubit në qeshorin e vitit 2022, pasi është aktivizuar pak dhe ende nuk e ka gjetur golin.
Shuma prej 68 milionë eurosh e paguar nga Tottenham habiti jo pak, ndësa braziliani nuk ka plotësuar pritshmëritë. Shumica e paraqitjeve të tij kanë filluar nga stoli, ndërsa ai e ka nisur si titullar në vetëm pesë ndeshje.
Sipas ESPN, “Los Blankos”, kërkojnë që të forcojnë raportin e tyre ofensiv e do të tentojnë të marrin 25 vjeçarin. Ekipi ka shfaqur vështirësi në këtë sezon, ndërsa renditet në vend të dytë në La Liga, me Barcelonën që ka 11 pikë më shumë.
