Koha e përgatitjes : 20 minuta
Koha e gatimit: 2 orë
Për 4 persona
Përbërësit
1 kungull i verdhë rreth 1.5 kg, 60 gr djathë i grirë Parmigiano Reggiano, 1 tufë majdanoz, disa gjethe borzilok, 1 kërcell selino, 2 gjethe trumzë, 1 thelpi hudhër, lëng perimesh të ziera, 30 gr gjalpë, kripë dhe piper.
Përgatitja
1. Me ndihmën e një thike prisni pjesën e sipërme të kungullit ku gjendet bishti, duke i dhënë formën e një supiere me kapak.
2. Me kujdes hiqni farat.
3. Në një tigan me pak gjalpë tiganisni majdanozin, borzilokun, trumzën të copëtuara me dorë.
4. Hidhni brenda në kungull lëngun e perimeve, erëzat e tiganisura, hudhrën, djathin Parmigiano, kripë dhe piper.
5. Përziejini mirë dhe mbyllni kapakun me pak brumë që mbyllja të jetë sa më hermetike.
6. Futeni në furrë për 2 orë në 230 gradë C.
7. Nxirreni nga furra dhe vendoseni në një pjatancë të madhe. Hiqini kapakun me kujdes dhe largoni hudhrën.
8. Me një lugë gërryeni muret e brendshme të kungullit derisa masa të trashet në formë kremi.
9. Shërbejeni të ngrohtë me pak bukë të thekur.
