Parlamenti ka votuar ditën e djeshme përbërjen e dy komisioneve të posaçme parlamentare për reformën zgjedhore dhe atë territoriale.
Të dyja komisionet u votuan me 108 vota pro dhe 9 kundër.
Por ajo që bie në sy është vota e deputetëve të opozitës. Grupi i Alibeajt ka votuar pro përbërjes së dy komisioneve, ndërsa grupi i Berishës është pozicionuar kundër.
Vlotë kundër përbërjes së komisioneve kanë dhënë edhe Agron Gjekmarkaj dhe Tomor Alizoti, duke u bashkuar kështu me grupin e Berishës, të cilët e konsiderojnë farsë ngritjen e tyre.
Komisioni i reformës zgjedhore do të përbëhet nga 18 anëtarë, ku grupi i PS-së ka 9 anëtarë, ai i PD-së 6 anëtarë dhe anëtarët e tjerë janë Fatmir Mediu, Shpëtim Idrizi dhe Petrit Vasili.
Në të njëjtën përbërje do të jetë edhe Komisioni i Reformës Territoriale, ku 9 anëtarë janë të PS-së, 6 të PD-së, si dhe Vangjel Dule, Mesila Doda dhe Erisa Xhixho e LSi-së.
