Vendi ynë po i kushton gjithnjë e më shumë promovimit të turizmit. Edhe mediat e huaja kanë pasqyruar jo rrallë herë bukuritë e Shqipërisë, nga riviera në terrenet malore. Së fundmi, kanali televiziv italian RAI3 transmetoi një reportazh ku Shqipëria cilësohet si “destinacioni i momentit”.
Lajmin e ka bërë të ditur ministrja e Turizimit dhe Mjedisit, Mirela Kumbaro.
“Reportazhi i RAI3, si promovim i shkëlqyer i turizmit në Shqipëri, duke pasqyruar edhe ngjarjen më të rëndësishme që organizuam, Konventën Ndërkombëtare të Turizmit-FESTA,” – u shpreh Kumbaro.
Përshkrimi nis me “plazhe të pastra, det i kristaltë dhe peizazhe që të lënë pa frymë” dhe vijon “Mesatarisht, nga 10 vlerësime, 8 janë për Shqipërinë. Tashmë është destinacioni i momentit, por edhe për kostot, për lidhjet nga Bari nga Brindisi nga Ankona, kështu që njerëzit mund të vendosin se kur dhe si duan të shkojnë në Shqipëri”
