Pas spekulimeve të shumta se si Anglia arriti të kalonte në finalen e ‘EURO 2020’, në UEFA kanë mbërritur tri akuza ndaj “Tre Luanëve”.
Një tifoz me një pajisje me reze lazer, ka shkëlqyer në sytë e portierit danez Kasper Schmeichel, pak para se Harry Kane të ekzekutonte penalltinë. ‘Gardiani’ i Leicester arriti të presë goditjen e shpejtë, përpara se Kane të godiste për së dyti dhe të shënonte.
Fërshëllimat dhe brohoritjet e tifozëve kur ekzekutohej himni kombëtar i Danimarkës, si dhe ‘lëshimi fishekzjarrëve’ gjatë ndeshjes jani depozitur si ankesa tek UEFA.
“Çështjet do të merren nga Organi i Kontrollit, Etikës dhe Disiplinës së UEFA (CEDB) në kohën e duhur,”– thuhet në një deklaratë të UEFA-s për shtypin. Një ndëshkim financiar për Federatën Angleze të Futbollit, është sanksioni i pritur.
/Priza.al/
