Drejtorja e Agjencisë për Dialog dhe Bashkëqeverisje, Eridana Cano bëri publike në një konferencë për shtyp për rezultatet e Këshillimit Kombëtar. Në pyetësor kanë marrë pjesë 563,195, dhe përgjigjet e tyre për 12 pyetjet vijojnë si më poshtë.
Pyetja 1: Ka njerëz që thonë se nënat që rrisin tre ose më shumë fëmijë të mitur duhet të përfitojnë mbrojtje të veçantë sociale nga shteti. Të tjerë thonë se shteti nuk duhet të bëjë diferencime as në këtë rast. Si mendoni ju?
Janë përgjigjur pozitivisht 431.881
Pyetja 2: Ka njerëz që thonë se Shqipëria duhet të ashpërsojë dënimin e autorëve përsëritës në kryerjen e krimeve të rënda kundër personit, duke e dyfishuar dënimin për ta dhe duke hequr të drejtën e gjykimit të shkurtuar për autorët qe kryejne dhunë në familje dhe krime ndaj fëmijëve. Te tjerë thonë se dënimet në fuqi janë të mjaftueshme për përsëritësit dhe dhunuesit ndaj familjes e fëmijeve. Cili është mendimi juaj?
Janë përgjigjur pozitivisht 431.881
Pyetja 3: Ka njerëz që thonë se të punësuarit qe denoncojnë metoda të pagave fiktive nga punëdhënësi, duhet të mbrohen nga shteti me dëmshpërblim financiar në rast largimi të padrejtë nga puna kur denoncimi i tyre vërtetohet, ndërsa punëdhënësi në fjalë duhet penalizuar me ashpërsim të masave në fuqi. Te tjerë thonë që masat në fuqi ndaj punëdhënsve që abuzojnë me pagat e punonjësve jane të mjaftueshme. Si mendoni ju?
Janë përgjigjur pozitivisht 353.243
Pyetja 4: Ka njerëz që thonë se ata që kanë fituar statusin e pensionistit, por që vazhdojnë ende të punojnë, nuk duhet të paguajnë kontributet shoqërore. Të tjerë mendojnë që nuk duhet bërë një diferencim i tillë. Si mendoni ju?
Janë përgjigjur pozitivisht 332.090
Pyetja 5: Ka njerëz që thonë se emigrantët shqiptarë që duan të depozitojnë në Shqipëri, kursimet e tyre duhet t’u jepet amnisti e plotë. Të tjerë thonë se depozitimet në vendin tonë të kursimeve të punës në emigracion nuk duhen inkurajuar përmes amnistisë. Si mendoni ju?
Janë përgjigjur pozitivisht 332.093
Pyetja 6: Ka njerëz që thonë se Shqipëria duhet të lejojë kultivimin, përpunimin dhe eksportimin e kontrolluar nga shteti të kanabisit për qëllime mjekësore, pa e legalizuar për arsye të përdorimi vetjak.Të tjerë thonë që kanabisi nuk duhet të lejohet as për qëllime mjekësore. Si mendoni ju?
Janë përgjigjur pozitivisht 308.992
Pyetja 7: Ka njerëz që thonë se ashtu si vendet e tjera të europës, Shqipëria duhet të vendosë detyrimin që qytetarët të paraqesin certyifikatën e vaksinimit në të ggjitha hapësira publike të mbyllura dhe në tubimet e mëdha. Të tjerë thonë se kjo praktikë nuk duhet të jetë e detyrushme pasi kufizon liritë dhe të drejtat e njerit. Si mendoni ju?
Janë përgjigjur pozitivisht 210.235
Pyetja 8: Ka njerëz që thonë se qeveria duhet të ashpërsojë gjobat dhe masat kundër evazionit fiskal të shoqërive të biznesit të madh. Të tjerë thonë se rregullat në fuqi janë të mjaftueshme nëse zbatohen si duhet. Si mendoni ju?
Janë përgjigjur pozitivisht 327.055
Pyetja 9: Ka njerëz që thonë se qeveria duhet të tregohet më e ashpër jo vetëm me subjektet, po edhe me individët që ndotin hapësirën publike. Të tjerët thonë se rregullat aktuale janë të mjaftueshme. Si mendoni ju?
Janë përgjigjur pozitivisht 348.075
Pyetja 10: Ka njerëz që thonë se gjyqtarët dhe prokurorët që nuk kanë kaluar ende Vetingun, duhet të pezullohen automatikisht nga sistemi i drejtësisë nëse vendimmarrjet e tyre janë haptazi në kundërshtim me ligjin. Të tjerë thonë se pezullimi dhe përjashtimi nga sistemi duhet të kryhet sipas procedurave në fuqi. Si mendoni ju?
Janë përgjigjur pozitivisht 372.098
Pyetja 11: Anëtarësimi i Shqiperisë në Bashkimin Europian është i lidhur me anëtarësimin e Maqedonisë së Veriut. Ka njerëz që thonë se aplikimi i Shqipërisë për anëtarësim në BE duhet të ndahet nga ai i Maqedonisë së Veriut, që vendi ynë të vlerësohet për meritat e veta. Të tjerë thonë që duhet të vazhdojmë të presim Maqedoninë e Veriut. Si mendoni ju?Janë përgjigjur pozitivisht 343.402
Pyetja 12: Ka njerëz që besojnë se krijimi i nismës “Ballkani i Hapur” midis Shqipërisë dhe vendeve të Ballkanit Perëndimor është në interes të Shqipërisë. Të tjerë thonë se kjo nismë nuk i sjell përfitime Shqipërisë. Si mendoni ju?
Janë përgjigjur pozitivisht 303.018
Procesi i Këshillimit Kombëtar, Drejtorja e Agjencisë për Dialog dhe Bashkëqeverisje Eridana Çano jep një paraqitje të përgjithshme të procesit:
-Procesi ka patur problematika, të cilat i kemi identifikuar, problematika dhe çështje të ngritura edhe nga vetë qytetarët, që do t’i mbajmë në vëmendje kur procesi të përsëritet sërish, pasi është një ushtrim, i cili do përsëritet në mënyrë vjetore.
Tanimë dua t’iu jap një paraqitje të përgjithshme të procesit.
Siç jeni në dijeni, procesi është lançuar në 19 janar dhe është mbyllur zyrtarisht në 31 mars të këtij viti.
Ka një pyetësor me 12 pyetje, me 3 alternativa, i cili i është adresuar çdo shtetasi shqiptar, në moshë madhore dhe pyetësori ka qenë tërësisht anonim.
Janë përdorur 3 metoda për mbledhjen e mendimeve të qytetarëve.
Metoda e parë ka qenë dërgimi i zarfit me pyetësorin në çdo familje shqiptare. Ka qenë plotësimi i pyetësorit përmes faqes online këshillimikombëtar.al dhe plotësimi i pyetësorit në tenda të ngritura në 61 bashki, një proces, i cili u bë në paralel me këta dy të parët, për t’i dhënë mundësinë më të gjerë qytetarëve për t’u përgjigjur dhe për të dhënë mendimin e tyre.
Procesi, sikundër e tha dhe kryeministri, është menaxhuar dhe koordinuar nga Agjencia për Dialog dhe Bashkëqeverisje, shpërndarja e zarfeve në adresë është kryer nga Posta Shqiptare dhe në fund, hedhja e të dhënave është realizuar nga INSTAT.
-563,195 qytetarë kanë dhënë mendimet e tyre për pyetësorin.
-9,447 pyetësore kanë rezultuar të pavlefshëm, çka përbën 2% të pyetësorëve të plotësuar, pyetësorë të cilët kanë qenë me 3 alternativa të plotësuara, pyetësorë të cilët kanë qenë bosh të dërguar mbrapsht dhe pyetësorë, të cilët kanë pasur një kryq dhe qytetari nuk ka dashur të japë një mendim.
-340,143 qytetarë e kanë dhënë mendimin e tyre përmes Postës, çfarë përbën 60% të pyetësorëve të plotësuar.
-127,130 qytetarë e kanë dhënë mendimin përmes faqes online, pra 23% e pyetësorëve të plotësuar dhe 95,922 qytetarë e kanë dhënë mendimin e tyre në tenda, çka përbën 17% të pyetësorëve të plotësuar.
Përgjatë muajit mars, procesi është shoqëruar nga një fushatë ndërgjegjësuese në media, rrjete sociale dhe në ambiente publike për t’i bërë të njohur qytetarët, jo vetëm me procesin, por edhe me pyetjet të cilat kishte pyetësori. /tvklan.al
