Prej shumë e shumë vitesh ka simbolizuar luksin mbi katër rrota, por edhe ikonën e automobilave britanikë. Por kohët e fundit e famshmja “Rolls Royce” është angazhuar në një revolucionarizim total.
Nuk është fjala për të shtuar luksin që e ka, apo për ta tepruar me opsione apo shpejtësi. Aspak!
“Rollsi” duket se tani po turret drejt “të gjelbrës”, ose më mirë drejt teknologjisë ekologjike, e cila presupozon që automjetet e saj të jenë të gjitha elektrike.
Dhe këtë javë “Rolls-Royce” po bën përsëri histori. Të mërkurën, kompania zbuloi një limuzinë të lëmuar të ngjashme me kupenë e quajtur “Spectre”, gjatë shfaqjes së filmit të ri 007-që, dhe ky do të jetë modeli i ri që do të nisë në fund të vitit 2023 prodhimin si “Rolls-Royce” i parë plotësisht elektrik.
“Spectre” do të kushtojë nga 400,000 deri në 500,000 paund, dhe kompania ka thënë se të gjitha makinat e saj do të jenë elektrike deri në vitin 2030.
Shefat besojnë se është momenti më domethënës në historinë e “Rolls-Royce” që kur u prezantuan Charles Rolls dhe inxhinieri Sir Henry Royce.
Partneriteti “Rolls-Royce” filloi në 1904, por për fillesat thuhet se janë edhe më të hershme, që kur u themelua nga Sir Henry Royce në 1884 (një nga inxhinierët e parë elektrikë).
/Burimi: Daily Mail/Përshtati: Priza.al/
